COSMOPOLITAN

já stelpur - allt sem við þurfum:

3/4 vodka (rússi)
1/2 contreau eða triple sec
1 trönuberjasafi (cranberry)
1/2 nýkreistur lime safi

hrista með ís, en bera fram án!

tjah, mér finnst nú bara best að mæla þetta með martiniglasinu sjálfu ... t.d. fyrir tvo, eitt glas trönuberjasafi osfrv, og þá á maður alltaf smá afgang ;)

skál í boðinu!!!! Angela

Drykkir_

Lasagna með kjöti og fullt af grænmeti

Undanfarin ár hef ég þróað með mér lasagnarétt sem er ekki alveg upp á ítalska vísu, en engu að síður hefur hann fallið vel í kramið hjá mínu fólki.

Þið þurfið tómata, lauk, hvítlauk, græna og rauða papriku, eggaldinn og succini. Salt, pipar, chilikrydd og oregano. Lasagnaplötur og ost. Nautahakk.

Byrjið á að skera niður tómatana, alveg fullt af þeim og léttsteikja upp úr ólífuolíu. Bætið svo smátt og smátt lauknum og hvítlauknum út í. Svo hinu grænmetinu koll af kolli.



Nú steikið þið nautahakkið á annarri pönnu og þegar það er tilbúið og kryddað (sjá krydd að ofan) þá bætið því út í grænmetisblönduna. Leyfa því að malla aðeins saman og bæta svo slurk af rjóma út í. Það geri ég í staðinn fyrir bechamel sósu og er þá núna komin með mína eigin náttúrulegu sósu, gerða úr safanum af grænmetinu og rjómanum.

Næst þarf að setja þetta allt í eldfast mót ásamt lasagnaplötunum. Hæð eftir hæð og svo ost (sem bráðnar auðveldlega) ofan á. Gott getur líka verið að setja smá ost á milli hæðanna.



Svo fer þetta í ofninn og er yfirleitt látið vera í um 20 mínútur. Getur farið eftir hvernig lasagnaplötur voru notaðar, sumar þarfnast lengri tíma en aðrar og sumar eru forsoðnar. En það má alltaf pota hníf í til að sjá hvort þær séu ekki örugglega orðanr linar.

Verði ykkur að góðu!
Guðný

Kjotrettir_

Categories komnar í lag!!

Þeir virka eins og "tags" ef þið þekkið það. Þið setjið eftir hvert blogg (í lok texta) nafnið á þeirri categoriu sem textinn á við og táknið underscore "_" (án gæsalappa þó) beint á eftir án bils (þið getið séð það á þeim uppskriftum sem þegar eru komnar). Textinn (uppskriftin) gæti náttla átt við fleiri en einn flokk og þá setjið þið bara eins marga og passar við með kommu á milli.
Þetta virkar svo þannig að ef þið ýtið á einhvern flokk þá leitar blogger eftir "posting" sem er merkt með viðkomandi categoríu. Snilld.

Eina trikkið er að nota ekki íslenska stafi og þá er allt í gúddí. Sleppa kommustöfum og nota ae í staðinn fyrir æ

Nú er bara málið að fara að dæla inn uppskriftum og endilega látið vita ef það vantar flokk.

Bæ í bili, gestir á leiðinni og ég á eftir að skúra

Annad_

Vínberjasalat með philadelphia ristuðum möndlukúlum

... óska eftir þessari frá Evu ;)

Oskauppskriftir_

Ceviche Lax

Jú góðir hálsar, í gærkvöldi á lokafundi OT reiddi ég fram Ceviche úr laxi sem forrétt. Ceviche getur innihaldið nánast hvaða fisk sem er, og er rétturinn ættaður frá Mið og Suður Ameríku. Galdurinn er að láta fiskinn liggja í sítrónu- eða limesafa í ísskáp nokkra stund, og við það "eldast" hann. Hér kemur uppskriftin frá því í gærkvöldi:


Laxa Ceviche fyrir 4

600 g Ferskur Lax, afroðaður og beinskertur
16 vorlaukar
2 lime (safinn og hýðið)
2 rauð chilli
1 dós (400ml) kókosmjólk
1 rauðlaukur
4 msk ferskur graslaukur
1 teskeið flórsykur
dasss salt

Mangóstappa (meðlætið)

2 rauð chilli
1 stórt mangó
4 tsk rifið ferskt engifer
2 tsk flórsykur
4 lúkur ferskt kóriander
8 plómutómatar (eða vel þroskaðir tómatar)
dasss sjávarsalt


Aðferð:

- Skerið vorlaukinn langsum og setjið í ísmolavatn inn í ísskáp í 45 mínútur (þeir eiga að krullast upp og skiljast að þegar þeir eru tilbúnir).
- Blandið saman kókosmjólk og limesafa + röspuðu hýðinu. Smásaxið rauðlaukinn og bætið við. Saltið, sykurinn og chilli útí. Saxið graslaukinn og bætið útí. Kælið.
- saxið kóríander, chilli og engifer, tómata (án innvolsins) og mangó (allt í lagi að skella því í matvinnsluvél eða svona Braun græju), saltið eftir smekk og kælið.
- Skerið fiskinn niður í litla bita og hellið limemarineringunni yfir, setjið inn í ísskáp. Snúið fisknum eftir 10 mínútur. Fiskurinn er tilbúinn þegar hann hefur breytt um lit, eða hvítnað. Sýran í lime ávextinum veldur því að próteinstaða hans breytist og hann lítur út eins og hann hafi verið eldaður.

- skellið svolitlu mangómauki á disk, og setjið fiskinn við hliðina. Hellið svolitlu af marineringunni yfir og strákið að lokum krullaða vorlauknum yfir til skreytingar.

bon profit!!
///agnes

Sjavarrettir_, Forrettir_, Smarettir

Paella

Ég vil byrja á að óska okkur sjálfum til hamingju með þetta framtak og vona að hér geti margir notfært sér okkar uppskriftir til að seðja hungur síns fólks....

Fyrsta uppskriftin PAELLA, þar sem við erum nú einu sinni staddar á Spáni. Paelluna má að sjálfsögðu gera á margan hátt, en ég ætla að kenna ykkur mína paellu, sem ég lærði af tengdamömmu og tengdaömmu... sem eru spænskar í húð og hár!

Þið byrjið á að taka til grænmetið; lauk, hvítlauk, papriku (rauða og græna) og fullt af tómat. Það er nefnilega hann sem gefur litinn. Sumir nota Zafrán krydd til að gefa lit, en ég er ekki hliðholl því. Vil heldur náttúrulegan lit í matinn en ekkert gervi. Gæti samt verið svolítið flóknara að fá rauða tómata fyrir ykkur sem eruð á Íslandi. Mér hafa alltaf fundist þeir vera helst til grænir og gefa lítinn lit. En allavega, hér kemur fyrsta myndin:



Nú er um að gera að leyfa grænmetinu að malla vel og lengi á vægum hita, svo að úr verði nokkurskonar sósa, eða a.m.k. allt mjög lint. Salt bætt útí eftir smekk.

Svo er komið að því að bæta fiskmetinu út í. Það má vera hvað sem er: hörpudiskur, smokkfiskur, rækjur, humar, kræklingur... Mér finnst gott að léttsteikja hann á annarri pönnu áður en ég bæti honum út í, svo að hann sé svolítið stökkur og örlítið brúnaður.



Þessu er leyft að malla ennþá lengur og núna er komið að því að setja hrísgrjónin út í. Mjög mikilvægt að gera ekki þau meginmistök að sjóða hrísgrjónin í potti og bæta útí. Hrísgrjónin á að sjóða í paellunni sjálfri, með grænmetinu og fiskmetinu. Hlutföllin eru þau sömu: 1 bolli hrísgrjón : 2 bollar vatn, og svo fer magnið náttúrulega bara eftir því hversu margir ætla að borða paelluna. En ég mæli með að hafa alls ekki mikið að hrísgrjónum, svo að þau spili ekki aðalhlutverkið. Paellan getur orðið of þurr og bragðlaus ef það er of mikið að hrísgrjónum!



Til að toppa þetta allt saman og hafa paelluna vel útlítandi, set ég of 1-2 humra per.mann, með skel, ofan á og þá er þetta komið. Nú er bara að leyfa henni að malla í um það bil 20 mínútur, eða þar til hrísgrjónin eru soðin. Gott er að hafa þau "al dente" eða ekkert of mikið soðin. Ekki heldur loka pönnunni alveg, skiljið smá op á lokinu á meðan hún mallar.



Nú vona ég bara að ykkur gangi vel með réttinn og ef einhver er í vandræðum, þá bara kommenta! Einnig væri gaman að fá komment frá þeim sem prufa að elda paelluna og heyra hvernig hafi gengið.

Þangað til næst! Guðný Hilmars

Sjavarrettir_, Spaenskir rettir_

OT herjar á vefinn

Velkomnar á OT bloggið!!!
Verið nú duglegar að deila uppskriftum

Skál í boðinu,
Eva Hrönn

Annad_